【Emily】台選首投 陳健民「含淚」投民進黨
[2024.01.13] 發表
【明報專訊】今日係台灣大選投票日，今年多咗一批港人成為首投族，包括喺當地定居嘅佔中發起人、台灣政治大學社會學系客座教授陳健民。佢接受《德國之聲》訪問時形容自己有少少「含淚投票」，批評執政民進黨空講「今日香港、明日台灣」、「台灣係民主燈塔，所以好支持香港」等，但其移民政策就唔見得歡迎港人，令人非常失望。
陳健民喺訪問話，有港人為咗逃避《港區國安法》而走到台灣，但嚟到就變成「國安疑慮」，「幾咁傷佢哋心，呢班人本來嚮往台灣民主自由，呢幾萬人本來都會投票畀民進黨」。佢又話，台灣移民政策令港人面對好多阻撓，自己「唔係好忿氣投畀民進黨，但始終都係大局為重」。
不滿對港人移民政策
對比喺香港同台灣投票，陳健民憶述當年佔中案服刑期間喺監獄投票，台灣人就有啲將選票視為理所當然，都令佢好感慨。
更多港聞
【Emily】港人中環失AirPods 網民助澳洲搵番
【明報專訊】有網民早排喺香港唔見咗Apple無線耳機AirPods Pro，最後靠網上力量，穿越7411公里喺澳洲搵番。事主Leo噚日向Em... 詳情
【Emily】新任內會副主席陳健波 同大主席開早會
【明報專訊】新一屆立法會會期展開，噚日內務委員會首次開會，主席李慧琼喺會上先歡迎新任副主席、保險界議員陳健波，又提到立法會主席梁君彥將會喺2... 詳情
相關新聞
