【Emily】「四電一腦」下月起涵乾衣機抽濕機
[2024.06.26] 發表
【明報專訊】環保署噚日公布，由下月1日起，「四電一腦」計劃下嘅受管制電器將加入獨立式乾衣機及抽濕機，同時增加現時計劃其中兩款電器嘅容量，雪櫃最大容積由500公升增至900公升，洗衣機最大洗衣量則由10公斤增至15公斤。
按現時計劃，市民買冷氣機、雪櫃、洗衣機、電視機、電腦、打印機、掃描器及顯示器等，法例要求銷售商要免費上門回收同類舊電器。署方話，除咗購買原有計劃規管嘅新電器外，下月起市民購買較大容量嘅雪櫃同洗衣機、獨立式乾衣機及抽濕機時，亦可使用法定免費除舊服務。
署方又公布取消現時供應商分發、銷售「四電一腦」產品時必須提供循環再造標籤嘅規定，但係仍須喺畀顧客嘅收據列明循環再造徵費嘅字句，亦要繳交循環再造徵費。
更多港聞
【Emily】海員大罷工102周年 說明牌揭牌
【明報專訊】今年係香港海員大罷工102周年，經工聯會多年爭取，政府喺西營盤中山紀念公園豎立介紹罷工歷史嘅說明牌，並趁噚日「世界海員日」舉行揭... 詳情
【明報專訊】清水灣鄉村俱樂部最近成立慈善基金，上周六（22日）晚喺清水灣會所舉行慶祝「清水灣?走入社群」計劃成立20周年暨慈善基金成立典禮，...
詳情
再3校被促改善唱國歌 邀退役解放軍教步操獲讚揚
【明報專訊】教育局繼上月中在「校外評核報告」指有官小學生唱國歌細聲，掀教界討論。局方上周最新公布第二批10間學校的外評報告中，再有3間中小學... 詳情
相關新聞
