【Emily】古董巴「大水牛」快閃彩虹敘舊
[2025.05.05] 發表
【明報專訊】九巴近期配合彩虹邨重建主題，搞懷舊展覽活動，噚日就安排古董巴士「大水牛」AEC麗晶五型喺下晝時段於九巴彩虹總站「快閃」，吸引大批巴士迷到場影相，人山人海爭相打卡。不過，有巴士迷慨嘆「大水牛」要用拖車拖到現場，未能一睹佢行駛嘅風采，而巴士只係停靠畀人影相，大家未能登上感受熱巴士情懷。有巴士迷就話外地不時搞古董巴士巡遊及展覽，希望香港都能好好保養古董車，畀大家有機會坐吓。
雖然如此，唔少巴士迷及老街坊都話，同老朋友見面已經好興奮，仲有唔少小朋友隔住玻璃窗探看舊巴士內部結構。九巴之前亦展出兩張懷舊巴士座椅，包括1970年代初常見嘅經典綠色纖維座椅，以及1970年代中後期至1990年代主力於非空調巴士採用嘅啡色乳膠墊椅。
巴士迷老街坊稱重逢興奮
顏汶羽憶舊款櫈「焫屁股」
當區立法會議員顏汶羽都去咗趁熱鬧，話見到舊款巴士座椅憶起童年坐車「焫屁股」回憶。
更多港聞
【Emily】太平清醮巡遊逢「立夏」 留意局部雷暴驟雨
【明報專訊】今日（5號）係佛誕假期兼「立夏」，長洲有太平清醮飄色會景巡遊及搶包山賽。飄色題材一向反映民間熱話，新興街街坊會新興街飄色隊負責人... 詳情
相關新聞
