【Emily】大學站月台閘門竣工 餘下兩站下月前完成
[2025.05.12] 發表
【明報專訊】港鐵話噚日(11日)完成東鐵線大學站自動閘門安裝工程，旺角東及羅湖站安裝工作亦踏入尾聲。港鐵預計按照目前進度，整項工程會喺5月至6月期間完成，較原計劃提前約6個月。?
東鐵線大學、羅湖及旺角東站屬最後一批安裝自動閘門嘅車站。港鐵話呢3個站嘅月台弧度較大，工程複雜及難度較高，工程團隊克服唔少挑戰，包括配合月台弧度而使用唔同闊度嘅玻璃門、精準調校安裝角度與月台邊緣距離。?
港鐵項目及工程拓展總監鄧輝豪話，喺營運中嘅鐵路加裝自動月台閘門複雜及具挑戰性，團隊過程中累積唔少經驗，優化及靈活調配工序，盡力安排部分工序同步做，加快咗工程進度。
東鐵線自動月台閘門工程於2023年年中展開，於沿線13個露天段車站共35個月台安裝近1600對閘門；連同大學站在內，現已有11個車站完成安裝工程。
更多港聞
中學生篩查：5%頻萌死念 逾三成有情緒困擾 青協倡集中做小組治療
【明報專訊】青協中學生情緒健康篩查顯示，本學年逾三成受訪中學生備受情緒困擾，有5%（約133人）受訪學生有嚴重精神健康風險，需轉介精神科；5... 詳情
相關新聞
