【Emily】「西九係香港IP」 唐英年盼擴合作
[2025.06.19] 發表
【明報專訊】西九文化區管理局喺上海辦嘅「2025上海西九文化周」噚日開幕，西九今次帶咗一系列表演及展覽去上海，包括M+和香港故宮文化博物館策劃嘅展覽、原創粵語音樂劇《大狀王》、精選戲曲等，話要落實將香港文化藝術節目「走出去」。西九管理局主席唐英年(圖，西九管理局提供)形容西九係香港文化品牌(IP)，期望與不同範疇嘅知名IP合作，推動文化產業發展。
唐英年話西九嘅文化藝術策展喺上海大受歡迎，其中喺上海當代藝術博物館同M+聯合主辦嘅「貝聿銘：人生如建築」上海站展覽，自4月26日以來錄得約8萬人次參觀。出席活動嘅文體旅局長羅淑佩就話，活動不但係落實政府推動香港頂尖文藝創意項目「走出去」嘅重要里程碑，亦向外展示香港多元藝術成就，吸引外地朋友來港體驗。
上海西九周18至22號舉行，以「滬港雙城，藝脈相承」為主題，香港嘅藝團會與上海6個著名文藝機構及場地攜手呈獻七大文化藝術節目。
更多港聞
【明報專訊】29歲港產鋼琴家沈靖韜本月初喺「范克萊本國際鋼琴比賽」攞到金獎及觀眾大獎，有關注古典音樂嘅樂迷，相信都會好想現場欣賞呢位首個喺四...
詳情
非本地生准兼職 年半批近15萬人 議員倡恆常化 蔡若蓮：年內檢視
【明報專訊】過往在港就讀的全日制非本地研究生及本科生不得做兼職工作，政府分別於2023年11月及2024年11月起暫免限制。教育局長蔡若蓮昨... 詳情
【明報專訊】官立的英皇書院有中文科期終考試寫作試題於試前外泄，校方安排中四生下周三（25日）上午重考。校方前日（17日）向家長發通告提到，校...
詳情
相關新聞
