【Emily】「良師誨人不倦」 李家超：深受老師影響
[2025.06.27] 發表
【明報專訊】特首李家超噚日去咗第二屆「香港優秀師德師風獎評選」頒獎禮，佢致辭時話「良師誨人不倦」，勉勵在座教師，教師係學生嘅引路人，需要有高尚嘅品格道德、豐富嘅學術修養、崇高嘅愛國情懷，希望佢哋牢記「立德樹人」使命，培育有志有為、愛國愛港新一代。
李家超話自己會先用廣東話談心，憶述好多老師對佢影響大，腦海中不停出現佢哋嘅片段，雖然部分老師已移民，但佢哋返港時，大家得閒都會坐低傾下偈，冇時間就打個電話問候，佢真心感謝每個老師真誠熱情咁培養學生。
李跟住用普通話講「良師誨人不倦」，教師唔單止係課本知識嘅傳授者，更係「賡續文明的傳承者」，一言一行對學生影響深遠，可以引領學生錘煉品格、學習知識、創新思維、奉獻國家。
佢又話今年係二戰勝利80周年，教育局正籌辦學術研討會同埋主題講座，組織抗戰歷史到校巡展、創作比賽、實地考察等，培養學界家國情懷。
更多港聞
7項目獲「產學研1+」資助 冠各院校 科大研凝膠抑子宮頸癌前病變
【明報專訊】創新科技署上周公布「產學研1+計劃」（RAISe+）第二批共25個資助項目，香港科技大學佔7個，為各院校最多，項目包括首創治療子... 詳情
【明報專訊】教育局昨宣布，因應自資專上教育委員會的建議，一幅位於大圍文禮路的土地將以象徵式地價批予聖方濟各大學，用作興建專用校舍開辦經本地評...
詳情
相關新聞
