【Emily】特首孖人代政協聽「周董」
[2025.07.01] 發表
【明報專訊】歌星周杰倫日前喺啟德一連三日開騷，除咗歌迷外，唔少政界人物都有入場聽「周董」同觀眾大合唱。Emily留意到特首李家超、太太林麗嬋上周六都有同人代政協一齊去咗政府喺啟德嘅包廂聽演唱會，政制局長曾國衞同副局長胡健民都有捧場。政務司長陳國基據聞前日都有另外邀請社團代表聽「周董」尾場。
有份出席嘅人代陳仲尼話現場氣氛好好，笑言「周董」紅咗廿幾年當然識佢，「亦keep得好好」，不過就承認其他表演嘉賓可能年輕朋友比較認識。佢話今次第二次去啟德，氣氛好好，現場都有同官員講話要善用香港呢個世界級場地，吸引外地歌星樂隊來港，順便吸引英美其他遊客。
Emily另外喺前日演唱會尾場片段留意到，立法會議員尚海龍都置身觀眾席，當有觀眾點歌揀《白色風車》時，尚海龍都有跟住唱，仲相當投入。唔知佢有無諗諗計爭取「周董」來港做高才呢？
更多港聞
相關新聞
