【Emily】灣區多4院收醫療券 中醫院首有份
[2025.07.08] 發表
【明報專訊】「長者醫療券大灣區試點計劃」現有15間醫院或醫療機構參加，部分暫未開展服務，當局噚日公布再多4間分別位於中山、廣州同佛山嘅醫院，最快聽日起納入計劃，今次仲係第一次有中醫院加入，政府形容係再一次突破。
聽日(9日)起，中山市中醫院、廣東祈福醫院會先納入計劃，而佛山市第一人民醫院、南方醫科大學第八附屬醫院就會下星期四(17日)起納入。其餘醫療機構今年第四季或之前會展開計劃。
今次係首次有中醫院納入計劃，醫療券可用喺中山市中醫院嘅12個指定門診服務，包括內科、外科、骨科、眼科、耳鼻喉科、婦科、中醫特色門診、健康管理中心、心理科、睡眠醫學科、口腔科及急診科。
醫療券計劃下嘅配偶共用醫療券安排及「長者醫療券獎賞先導計劃」同樣適用於上述4間新增嘅試點醫療機構。
更多港聞
相關新聞
