【Emily】相隔兩月康復 楊何「找數」捐血
[2025.08.11] 發表
【明報專訊】政府喺6月上旬安排紅十字會輸血服務中心喺政府總部設立流動捐血站，鼓勵公務員捐血，當時作為公務員事務局長嘅楊何蓓茵，只係企喺度拎住宣傳牌「打卡」做啦啦隊。楊何蓓茵當時無捐血原來有苦衷，佢話6月時一心諗住捐血，事前做足準備，包括喺原定捐血前一日食含有豐富鐵質嘅貝類食物，話想增加鐵質攝取，但結果都係唔符合捐血條件。
籲公務員恒常捐血
楊何蓓茵解釋，「事情的發展不似預期」，話自己6月去到想捐血時，向在場醫護人員申報，喺捐血前幾日身體有啲唔舒服要食藥，到捐血嗰日療程都未完，結果醫護人員同佢講，咁樣佢唔適宜捐血，佢話當時有少少失望。
不過，楊何蓓茵話身體康復後就「找數」，日前去咗灣仔入境事務大樓地下嘅捐血站完成捐血。佢又呼籲公務員都踴躍支持，成為恒常捐血者，一齊協力確保血庫有充足嘅血液供應，話捐一次血可以救三個人。佢又提議市民透過流動應用程式「HK Blood」、中心網站www.ha.org.hk/rcbts或致電各捐血站預約捐血。
更多港聞
【Emily】愛培自閉症基金新中心 設超市港鐵主題區助兒童適應
【明報專訊】根據政府統計處，本港自閉症患者由2013年10,200人倍增至2020年22,400人。慈善機構「愛培自閉症基金」噚日宣布，基金... 詳情
【Emily】沙田污水廠遷址中 無人機助遙距監工
【明報專訊】無人機技術日新月異，發展局率先喺沙田污水處理廠遷往岩洞計劃嘅女婆山大型工地，採用無人機執行管理任務，除咗拍攝影像，亦可收集空間數... 詳情
【Emily】港區人代考察新疆 吳秋北倡港疆「共同反擊污名化」
【明報專訊】港區全國人大代表赴新疆考察，其間參觀當地新能源企業、棉花田、鄉村等，今日結束行程。新疆種族政策近年受外國關注，港區人代吳秋北話，... 詳情相關新聞
