【Emily】立會殘廁浮現避孕套包裝
[2025.08.14] 發表
【明報專訊】暑假期間立法會議事廳「靜蠅蠅」，但議員樓層就鬧哄哄，事緣上星期有人喺某一層議員樓層嘅無障礙洗手間內，發現一個已開封嘅避孕套包裝，其後通知立法會秘書處，據悉經調查後無發現，已「結案」。不過事件繼續喺政圈流傳並引起討論，雖然大部分人只當笑話一則，亦有議員擔心事件影響立法會形象。
綜合議會中人所講，事發洗手間喺由單頭議員組成嘅「C15+」樓層，上周初流傳嘅相片影到個避孕套包裝喺馬桶漂浮，單睇相片其實幾難判斷係邊度嘅廁所。秘書處回覆Emily話，8月6日應要求就綜合大樓14樓有關洗手間嘅使用情况翻查相關時段紀錄，無發現異常。
有議員私下話，臨近選舉立法會「花邊新聞」特別多，繼之前流傳有議員喺辦公室擺風水陣後，今次再有一單，雖然一張相唔代表什麼，但外界對議員嘅品德操行有一定要求，最怕事件影響到整體議員以至立法會形象。
更多港聞
相關新聞
