【明報專訊】新民黨田北辰(田二少)去年中先做外父，三女植鏘及長女植恩先後出嫁，做咗外父2.0，估唔到喜事接住嚟。田二少喺facebook公布，前晚約10時，大女誕下麟兒，令到佢升呢做外公1.0。據Emily所知，其實三女原來都已有喜，田二少好快亦會升呢做埋外公2.0。 男孫識做 出世無阻睇波 四二少話，男孫識做又乖。咩意思呢？話說田二少前日下午獲知大女入院，男孫隨時出世，身為外公嘅佢已感忐忑，因為世界盃冠軍戰開波，又唔知外孫幾時出世，咁孫仔同世界盃，睇邊個先好呢？田二少就話世界盃可以等4年後再睇，但孫仔出世只有一日，所以決定等候消息。不過，孫仔亦好識做，喺前晚出世，母子平安，而田二少睇完BB，仲可以返屋企休息一陣等開波。 田二少又話，總決賽德國對阿根廷，賽事略嫌沉悶，所以佢睇波期間不時拎出手機睇番囡囡同孫仔嘅相，仲話心不在焉，人之常情吧！
|
| |
| |
;){kind=small}
;)
