【明報專訊】中港青年文化聯合會今日會�鰫籊切|行「政棍全民投票」活動，話學泛民咁�鬘萿k會70個議員中，篩選出7個「政棍候選人」畀市民投票喎。除�髐H民力量陳偉業及陳志全、社民連梁國雄、民主黨何俊仁、工黨李卓人同無政黨�龠懋階薄A自由黨黨魁田北俊都榜上有名！田少收到Emily查詢時，佢就話「Who cares！」

田﹕Who cares

呢個組織立場係反佔中，屬於建制派，今日同時會收集反佔中簽名，但點解會將田大少都放入去候選人呢？中港青聯榮譽會長兼榮譽顧問洪為民，今日會擔任活動嘉賓，Emily噚日打去請教，點知洪為民一頭霧水，話唔知有個政棍選舉，仲反問「乜唔係去反佔中街站咩？」佢話自己係保普選反佔中大聯盟執委，有人請佢去街站，佢一定幫手，但唔知原來活動仲有其他項目喎。

會長矇查查：唔係去反佔中街站咩

Emily睇番採訪通知，活動係今日中午12點至下午6點，話邀請市民齊齊選政棍，選舉結束後，話會送一支政棍及一張獎狀畀當選者，除�鰿x為民，另一嘉賓係亞視前高層盛品儒。