講起拉布 曾主席諗起「罷會」
[2014.09.27] 發表
【明報專訊】立法會7月時喺爭議聲中休會，面對部分泛民拉布，無論大會定係財委會都有議程積壓。立法會暑假即將完結，下星期三(8號)新一年度立法會開鑼，Emily唔知泛民議員會唔會「返嚟就郁」—立即拉布，立法會主席曾鈺成就話，第一次會議會期已經預咗3日。
噚日喺新聞界國慶酒會，曾主席、民建聯葉國謙同一眾行家傾閒偈，講到立法會即將開鑼，擔心泛民又拉布，Emily問曾、葉會唔會擔心唔夠人開會而流會？阿謙聽到就好驚訝，曾主席笑住話，?家學生罷課，唔知到時議員會唔會「罷會」，拒絕出席會議呢？
曾主席解釋，第一次會議都有法案要處理，至於點解要開3日會咁長，原來9號(周四)大部分時間都要處理各委員會選正、副主席，大會只能夠傍晚復會，所以預計大會要開3日。
更多港聞
相關新聞
