蕭副局做過全職話劇演員
[2015.04.18] 發表
【明報專訊】唔講唔知，原來勞工及福利局副局長蕭偉強後生都係個「文青」，喺做政府行政主任(EO之)前，都做過一排香港話劇團全職演員，仲曾經演出過《灰闌記》添。
幾個月掙得800蚊
蕭偉強同Emily講，佢喺大學時已熱中話劇演出。1978年喺港大畢業，蕭偉強分別應徵過政府EO同香港電台嘅助理編導，之不過，面試後等咗好耐都無結果，於是佢加入香港話劇團做全職演員。蕭偉強話，佢喺香港話劇團曾演出話劇《灰闌記》，佢喺劇中做所羅門王身邊嘅侍衛。不過，雖然叫全職演員，不過人工就係按演出劇目計，由演員圍讀劇本到採排演出，付出幾個月時間，每套劇目酬勞只得800蚊，之後加入政府做EO薪金即跳到2000蚊一個月。
更多港聞
相關新聞
