【明報專訊】補習社「活學教育」為吸引家長報名，喺一幅幼兒班(K1)及小一面試班嘅宣傳海報上，以細路女眼泛淚光、個樣淒涼得嚟又好似有口難言嘅大相吸引你目光，再以一句「你不愛競爭？但競爭會找上你！」標語，結果呢張海報引來唔少網民留意，噚日仲喺網上廣傳，有網民形容呢個「係咁多年嚟最令人不寒而慄嘅廣告」。 「你不愛競爭？競爭會找你」 海報並且寫有「立即報名，讓孩子成為INTERVIEW之皇！」字句。Emily問過活學教育，佢哋回應話呢個廣告已經係上年9月嘅事，廣告係由外面聘請返嚟嘅設計師設計，小朋友張相係買返嚟嘅。對於網民嘅批評，佢哋話廣告只係坦誠咁將殘酷嘅事實呈現喺家長眼前，講出家長嘅心聲，同埋小朋友要面對巨大壓力嘅真相。佢哋話著名嘅幼稚園及小學都着重學生嘅溝通同面試應對能力，佢哋仲話只係想同學面試後會笑面迎人，而唔係滿眶眼淚。 幼園校監：面試班教唔到乜 Emily問過培幼幼稚園校監蔡雯兒，佢就話?家普遍幼稚園面試都係用親子面試或者小組形式，例如要家長同小朋友玩吓遊戲，老師從旁觀察小朋友嘅語言、行為及親子關係等嘅表現。佢話，?家面試已經好少考知識性同主科嘅問題，「呢套已經out咗好耐」，睇唔到面試班可以教到啲乜嘢。
|
| |
| |
;){kind=small}
;)
