公院護士賣胸圍廣告 醫局關注
[2015.05.28] 發表
【明報專訊】公立醫院護士賣廣告，搞到醫管局要出手跟進。胸圍品牌葆露絲喺電視、報章及港鐵站賣廣告，打正旗號標明廣告中人係「港島東公立醫院劉姑娘」同埋「新界西公立醫院韋姑娘」。Emily聽聞，今次拍廣告嘅護士真係喺公院工作。
廣告出現多名著護士衫女子
睇見旗下護士變生招牌，醫管局話非常關注，家陣要跟進同了解，如有需要會進一步調查。醫管局又話，任何全職僱員如欲從事外間工作，要向管理層申請。
除咗公院護士，葆露絲用咗多名著咗護士制服嘅女子賣廣告，聲稱著咗葆露絲胸圍，肩背痛少咗。葆露絲個網頁仲話做過護士調查，大大隻字表列成效，聲稱「八至九成」著咗葆露絲功能內衣後改善肩背痛，但係睇清楚啲，原來網頁有細字，個調查只係問咗50個護士。
更多港聞
第18屆校園記者˙張潤衡：逆境中鼓起勇氣站起來
【明報專訊】1996年的八仙嶺山火導致5人死亡、10多人受傷。這場意外的倖存者之一張潤衡嚴重燒傷，但一直以來積極面對人生，取得心理學學位後更... 詳情相關新聞
