經民聯招聘會變長者避雨地
[2015.06.22] 發表
【明報專訊】暑假將至，唔少青年都會趁機搵實習工作，經民聯噚日喺大埔舉辦「協助青年就業」招聘會，有幾十間本地嘅零售、飲食同資訊科技等機構參加，但天公不作美，下午開始落大雨，令到招聘會乏青年問津。而由於招聘會有個大帳篷，反而吸引咗好多公公婆婆去避雨。
活動由黨內實習生籌辦
招聘會請咗勞工及福利局長張建宗做啟動典禮嘉賓，張建宗致辭時不忘強調港府喺後政改時期會專注經濟民生嘅工作，仲話個招聘會搞得啱時間。出席啟動典禮嘅經民聯副主席兼立法會議員張華峰致辭時話，成個招聘會由黨內嘅實習生一手一腳籌辦。Emily在場見到唔少年輕義工，當中仲不乏靚女?。
經民聯最近因為政改是非不絕，張華峰話黨友林健鋒心情OK啦，仲話約緊佢一齊去飲茶，開解吓佢。
更多港聞
【明報專訊】唔少立法會議員噚日都趁父親節為天下父親送上祝福，今年剛剛結婚嘅工聯會立法會議員郭偉强就拍片向父親表心意，仲話會急起直追，「希望我...
詳情
【明報專訊】仲有9日就係回歸18年，民政事務局長曾德成噚日喺網誌話，18歲以下人口約佔市民總數嘅15%，話佢哋喺五星紅旗同紫荊區旗下成長，從...
詳情
相關新聞
