【明報專訊】「牛雜妹」李美琪(Monnie)雖無緣入選港姐，仍順利闖入娛樂圈，傳即將成為蕭定一旗下藝人。昨日Monnie與未來師兄張建聲拍攝愛情短劇，兩人不避忌以師兄師妹相稱，張建聲大讚師妹首次拍戲淡定，只可惜未能取得熒幕初吻。處女拍劇的Monnie說﹕「首次拍攝短片，幾緊張，始終是第一次，張建聲對我好好。(是否簽約蕭定一公司？)一切洽談中，好快有結果，暫時要賣個關子先。」

談到同樣未能入圍港姐，僅中五學歷的何洛沂日前大爆選美黑幕。Monnie說﹕「件事已經過去，無必要講太多，做人是要向前看，入面操作都是謠言，無法確定，自己已盡力，入圍與否都無所謂。(現今選美是否要有好學歷及後台？)我不清楚，如果有認識的人，一定有幫助，前輩提點對各方面都有好，但關不關乎入選，我無法肯定。我覺得好好彩，每件事都是成長階段，有得總有失，好多前輩願意給我機會去嘗試。(可知為何落選？)當初是準備不夠，又肥又不懂打扮，外形較輸蝕，所以會積極去減肥。(有人邀整容會否考慮？)現階段不會，因為好怕痛，覺得內心比外表重要，人總會有老的一日，內在得到大家認同，好過別人讚靚來得重要，這行太多靚仔靚女，你無可能做到最靚的一個。」

記者﹕梁榮達

■更多娛樂猛料 ﹕ol.mingpao.com