曾江服咗舞王修 笑四哥拉咗啲面皮吹到鬆晒 4個小生加埋超過300歲
【明報專訊】3個小生胡楓、謝賢、Joe Junior前年拍旅行真人騷大受歡迎，今年節目添食，找來跟他們同級數的小生曾江，湊夠4隻腳一起去旅行。縱橫娛樂圈半個世紀的4個小生，總年齡超過300歲，不過玩起上來返老還童，沒有最盡、只有更盡， 曾江樂極忘形引至爆血管，一向帥酷的謝賢更被爆鏡頭前現面皮鬆弛的實况！
記者﹕鍾一虹
15日俄羅斯之旅笑料百出
一連10集的無綫節目《四個小生去旅行》，將會呈現胡楓、謝賢、Joe Junior及曾江同遊俄羅斯兩大城市莫斯科及聖彼得堡15天的遊歷。日前胡楓(修哥)、曾江及Joe Junior一起接受專訪分享拍攝點滴，謝賢(四哥)則因事缺席。修哥表示此程非常難忘，可以接觸平常難於去到的太空基地和軍營，Joe插口說﹕「又坐坦克車，我仲揸過AK47衝鋒槍，好重！」修哥就怕拿槍太刺激，但試過食太空餐和穿太空衣，他說﹕「件衫好重，要兩個人幫手著，我又郁唔到，謝賢就扑我個頭，好似之後有報仇。」
曾江膽生毛 掹開老虎口
提起四哥坐上模擬機艙接受太空人訓練，曾江啜核說﹕「戥佢擔心，搖來搖去，塊面變晒形，拉咗嗰啲皮吹到鬆晒，哈哈！我見到部機都驚，好易腦充血，唔係講笑。」修哥指曾江其實好大膽，在動物園騎老虎，堪稱虎口餘生。曾江說﹕「我見訓練員掹開老虎口，咁我又掹囉，諗諗吓制唔過，好多嘢可以發生，當時勝利冲昏頭腦！」修哥贈興道﹕「我唔敢行埋去，老虎無人性，加埋謝賢同曾江又係無人性，行埋去仲有得剩？」曾江笑修哥其實「好惡」，自己才是好人。
刺激過度 流4個鐘頭鼻血
說到旅行期間難免有鬥嘴、爆粗，曾江解釋爆粗只是助語詞﹕「我哋由細玩大，有什麼唔講得，鬧完都唔知係鬧交，唔係故意講，好自然，職業上絕對無鬥爭，大家嗰碗飯都夠食，當然製作會麻煩啲，要加個『嘟』落去。」難得跟一起成長老朋友去旅行，曾江表示享受得無法形容，最大挑戰就是體力負荷，每日收工累得半死，加上個性衝動，玩越野車時太開心，刺激到鼻子爆血管﹕「流咗4個鐘頭鼻血，又踩咗落水整傷腳，所以無『木瓜』睇。」
Joe Junior睇脫衣舞唔眨眼
原來「木瓜」是指俄羅斯美女的身材，曾江飲恨錯過脫衣舞騷，妒忌修哥、Joe可大開眼界。Joe說﹕「睇到我唔眨眼，啲女仔好靚，我同老婆講，當藝術睇！」修哥仲爆Joe跟脫衣舞孃跳舞﹕「個舞孃跳跳吓無上裝，最後連內褲都除埋，Joe無脫，不過佢虛脫，哈哈！」戴黑超睇騷的四哥未被捕捉視線，修哥嘲對方只愛換衣舞﹕「佢日日不同衫，帶3、4篋嘢，好似人哋移民咁！」
修哥跳踢躂舞掀高潮
有「舞王修」美譽的修哥於當地的馬戲學校較量踢躂舞，表演帶起高潮，連曾江也說要寫個「服」字﹕「佢年紀大過我，但體力畀我好，請教養生之道已經太遲，如果我好似佢咁做，只會早啲走，哈哈！佢喺屋企行來行去，我對眼要追住佢講嘢，我痛風嘛，趷吓趷吓。佢平時食3大湯碗菜，腸胃好到不得了，我就便秘屙到出血，點改幾十年習慣！」修哥笑騎騎﹕「幾十年，佢第一次讚我！」
場地﹕香港九龍東皇冠假日酒店
竇靖童：沒你們想那麼複雜 日本首演賀王菲生日？
【明報專訊】昨日（8日）是王菲46歲生日，她連日來被網友拍到帶同細女李嫣在歐洲度假慶生。另一邊廂，大女竇靖童則首次以歌手身分參與日本音樂會公... 詳情
周汶錡道歉：我母乳不夠 「母乳唔飽」言論惹批評
【明報專訊】7月初誕下混血兒子Jacques的名模周汶錡（Kathy），剛坐完月的她日前首次亮相活動騷弗爆身形。談及BB近况時，她自爆有嘗試... 詳情
