【明報專訊】Joe Junior早前於《4個小生去旅行》記者會謝賢(四哥)掌摑曾江事件中，緊守崗位幫記者拿咪收音被封「最佳收音員」。前晚他為《Sunday靚聲王》錄影被汪明荃(阿姐)追問謝賢打曾江「係咪真」？他即回應：「我希望唔係真囉！」隨後，鄭少秋(秋官)換衫遲遲未現身影大合照要阿姐等，阿姐又扮嬲還要求Joe Junior學當日幫記者拿咪，他笑說：「汪明荃現在摑秋官我咪即刻拎咪囉！」場面搞笑。

汪明荃扮嬲鄭少秋

Joe Junior下月在伊館開騷，問可會邀四哥做嘉賓？他說：「我點請得起他，第一是貴，第二是他貴人事忙，或他給我驚喜來睇騷呢！到時請他上台不用畀錢。(可會邀曾江？)3個哥哥都好惜我，我經常講錯說話，四哥會笑我一係不出聲，一出聲就講廢話，他們就會哈哈笑。其實很好玩，希望有第3次，我最想去少林寺。」可擔心屆時四哥和曾江又大打出手？他笑稱：「到時叫他們3個學李連杰打�麊梟鵅I希望好似我拍過套劇《以和為貴》，開開心心最好。」

苗可秀心郁想拍戲

苗可秀專程從多倫多回港任節目嘉賓，她自爆經常心郁郁想拍戲。想拍什麼戲？她表示：「當然不打啦！現在打不郁，想拍些有特色的，好似現在興講粗口，當然是搞笑那種，都很期待。」

記者：林祖傑