《4個小生》祝捷獨欠謝賢 修哥：不在港 曾江：佢無搵我
【明報專訊】謝賢(四哥)在《4個小生去旅行》記者會上怒摑曾江成為全城討論熱話，事件帶挈節目收視高開，暫時成為本年度該時段首集收視之冠，而播出兩個星期平均錄得24點，最高達26點，成績理想。無綫昨日於將軍澳舉行祝捷會慰勞一班台前幕後，唯獨不見四哥，胡楓(修哥)、曾江及Joe Junior變成「3個小生來祝捷」。
Joe Junior：得我唔敢窒人
活動上，曾江表示此旅程很開心，Joe亦覺得一點都不辛苦，曾江聞言即說：「咩唔辛苦？你就唔辛苦，我辛苦啊！」他續言在節目裏看到最開心是大家無顧忌地互窒對方且很過癮。Joe自言得他不敢窒人，曾江說：「你都有！」Joe笑言：「我發牢騷啫，不是窒人。」修哥則說總之樣樣都好。曾江又特別答謝一個工作人員：「鏡頭前是幾位老友幫我推輪椅，鏡頭後有80%時間都是他推。」
修哥：開續集唔搵四哥都無所謂
訪問時，被封「專業收音員」的Joe今次將揸咪重任交給修哥，修哥亦十分鬼馬，事先向記者講明：「有問題阿Ken(曾江)答先。」提到慶功四缺一少了四哥，修哥即借監製擋駕：「有無問老四點解唔嚟？」監製解釋因度不到期。修哥續言：「他不在港。(你打過電話找他？)不是，我都是聽人講。多個人慶功當然會開心一點。」Joe指修哥是大哥哥，故這天不揸咪。修哥再發揮搞笑本色，對住對方說：「揸弗就話好啫，揸咪你叻啲。」問若開拍續集，想去哪裏？曾江笑言灣仔，想遠點可去西貢。問是否擔心體力應付不到？他笑說：「有輪椅唔驚，可用電動輪椅，自己搞掂，唔使人推。」Joe則希望到有歷史性地方拍攝，大陸也無所謂，想去少林寺。
可想原班人馬開續集？Joe說由修哥話事，修哥即場示範四両撥千斤：「樣樣都我話事？我年紀大啫！問監製吧！」問曾江可有聯絡過四哥？他直言：「佢無搵我。」修哥也出口幫手解圍：「好了，我都肚餓了。」曾江稱讚說：「阿修真是很醒，我唔識handle這些。」修哥續言：「醒即是話我豬頭炳。」若開拍續集會否預埋四哥？修哥又大嗌監製，笑問：「他們問下次搵唔搵老四喔，唔搵都無所謂㗎。」監製笑指四哥都是畀面修哥。
提議加呂奇周驄譚炳文朱江
想不想加其他小生？修哥提議呂奇、周驄、譚炳文及朱江等，但未知他們想不想拍，不過在他心目中，每個都是好朋友。當被追問會否親自出馬邀請其他小生時，修哥再次借監製過橋，監製笑指修哥才是節目的監製，修哥笑言被人擺上枱真是很難落台。
記者：陳釗
攝影：梁迺楠
■更多娛樂猛料 ﹕ol.mingpao.com
