王菀之邀軒仔齊齊度蜜月 明日結婚 唔慣被叫「蘇太」

王菀之邀軒仔齊齊度蜜月明日結婚唔慣被叫「蘇太」

[2015.11.27] 發表

【明報專訊】張敬軒與王菀之前晚出席「《小王子》電影展覽」揭幕活動。王菀之明日與男友蘇卓航(Eric So)結婚，今次是她婚前最後一個公開活動，見她左手無名指戴上求婚鑽戒，現場有人叫她「蘇太」時，還笑到見牙唔見眼，幸福滿瀉。王菀之活動上透露聖誕節會跟愛人過，好友軒仔都不禁講一句﹕「真係甜到漏。」，他又爆王菀之聖誕節應去了度蜜月。

王菀之表示仍未確定度蜜月地點，因有很多考慮因素，安全是其中之一，她亦想計劃得好一點，始終今次是兩個人去。她說笑言﹕「Eric負責『拍板』，我負責呈上建議。」她透露今次會有幾個禮拜的假期，亦不介意軒仔加入做電燈膽，並誠邀對方。軒仔笑問是否包食宿？王菀之笑言﹕「你飛過來便包食宿，我煮埋畀你食。」軒仔即笑指最近腸胃不是很好。

軒仔唔做電燈膽

即將榮升為「蘇太」的王菀之直言還未習慣，她說﹕「婚後大家可否還是叫我王小姐，因我還未習慣。」軒仔則笑言﹕「或者叫蘇師奶囉。」問到待嫁心情？王菀之直言滿腦子都是期表，這個時間很靠朋友，感謝軒仔擔任其「結婚顧問」，由結婚、工作再到度蜜月都給予意見和幫手安排。軒仔笑指王菀之居然問一個未結過婚的人，但知道對方忙，幫到便幫。

去撐場不是踩場

王菀之早前透露結婚當日會與親人食飯慶祝，她笑指軒仔會是唯一一個不請也會出席的賓客﹕「不要怪我未請你，如果我那天需要人手幫忙會叫你。」問軒仔是否去踩場？他笑言﹕「是撐場，看着她由𡃁妹變成人妻。」王菀之一聽人妻這兩字，即笑言覺得很性感。

婚後唔會踢走軒仔

問婚後會否踢走軒仔，換轉與老公夫妻檔搵銀？她笑言﹕「不會，無理由我跟Eric上台唱歌。」軒仔笑她坐享漁人之利，很着數。王菀之笑說﹕「對呀，可以食兩家茶禮。」

記者﹕陳釗