【明報專訊】公民黨梁家傑(圖)嘅議員任期即將結束，傑哥噚日最後一次以公民黨黨魁身分，出席港台《香港家書》節目。行將離別，傑哥滿是感慨，但唔係唔捨得議會，而係睇到香港社會撕裂，又話當面對專制強權時香港人嘅兩種基本取態，分別係犬儒認命同赤子初衷。 傑哥又提到，將會舉行1200人選舉委員會選舉，佢期盼香港社會有機會撥亂反正，認為如果特首人選維持不變，香港就無運行。傑哥除咗感謝支持者， 最後都話希望天祐香港(God Bless Hong Kong)。 傑哥成功交棒畀年輕人，黨主席余若薇亦同時話引退，噚日宣告停寫自2003年9月開始喺《明報》副刊執筆嘅「法政隨筆」專欄，話呢個專欄會由楊岳橋接替。余若薇話期待新人帶來新想法，為香港困局找到出路。 余若薇《明報》專欄交畀楊岳橋 余若薇話，睇番第一篇刊出嘅〈假日美好的時光〉，內容係講每年趁8月女兒放暑假去旅行，係全年最期待嘅時刻，但𠵱家女兒長大，莫講舉家外遊，連約齊人影全家福都唔易。而佢繼續分享樂事，話手機有好多兩個可愛外孫嘅相片，仲會成日同友人分享做外婆嘅喜悅。
|
| |
| |
;){kind=small}
;)
