【明報專訊】香港又有本土導盲犬生力軍。繼今年3月，香港導盲犬服務中心以人工授孕，有5隻拉布拉多導盲犬誕生後，7月28日中心再以人工授孕迎來5女3男，佢哋仲係擁有英美血統嘅混血BB，中心希望快啲幫佢哋搵好人家寄養。 呢次「八星報喜」係該中心第二胎人工授孕導盲幼犬，第一胎就以A字頭命名，所以佢哋今次啲名就以B字做頭，中心噚日重正式幫佢哋取名為Beacon、Bingo、Bruno、Blueprint、Brighten、Bess、Buck和BooBoo。 兩隻送日台友好機構 香港導盲犬服務中心主席張偉民話，導盲犬BB要先到寄養家庭生活一年，學識喺社會生活、知道點同人相處，再經過唔同嘅檢驗，確保佢哋身體健康、心理成熟，先可以接受導盲犬訓練，為盲人服務。佢話𠵱家仲有5隻BB未搵到合適寄養家庭，希望有心嘅家庭可以報名。佢又話Bingo同Bess完成訓練後，會首次送到外地，分別送到日本九州同台灣嘅導盲犬中心服務，以多謝友好機構嘅支持。
|
| |
| |
;){kind=small}
;)
