【明報專訊】日本洗腦式短曲Pen-Pineapple-Apple-Pen(PPAP)近日喺網上大熱，Emily唔少朋友都識唱番幾句，噚晚網上更彈出香港警隊將短曲改編、以宣傳使用安全帶嘅片段。警隊「安全帶版」由多名警察出鏡，佢哋唱住「I have a belt(安全帶), I have a buckle(安全帶扣)」歌詞，務求大家聽多幾遍唱多幾遍，可以記住「若要坐得穩，安全帶扣緊」嘅信息。 據悉登場嘅其中一名警察張繼安，就係歌手張繼聰嘅細佬。呢首日本歌都係紅咗幾日，聽講警方噚日朝早度橋諗點喺下星期宣傳使用安全帶信息時就諗起佢，改編連拍攝，製作過程只係用咗3個幾鐘，就拍好呢段29秒長嘅MV。片中唱歌嘅4個警察，其中著tee、戴黑超嘅兩人來自警隊facebook team，另一人係軍裝警員，仲有曾任機場特警、現駐守PPRB嘅張繼安。 個MV噚晚出街1小時，已有4000幾人喺警察個fb睇咗，留言逾300。網民反應幾搞鬼，有人覺得「正過ppap(原曲)」，有人話「你哋應該慶幸網路廿三條未過囉」。但亦有人提起噚日係佔領運動兩周年，警方兩年前施放催淚彈，認為MV出街timing唔係咁好，易變成「關公災難」。
|
| |
| |
;){kind=small}
;){kind=small}
;)
