食魚蛋鬥慢 抗議劉小麗慢讀誓辭
[2016.11.19] 發表
【明報專訊】立法會議員劉小麗之前畀九龍西選舉對手、「香港政研會」成員關新偉提出選舉呈請，話劉小麗上個月嘅宣誓應該無效，要求法院判劉小麗當選無效，呢單案就因為關新偉無喺限期前交保證金被撤銷。
劉小麗噚日去到高等法院，除咗有幾十個支持者拎黃傘同橫額聲援，仲有十幾個「保衛香港運動」成員喺法院門口示威，要求法庭取消劉小麗嘅議員資格，仲別開生面搞咗個「食魚蛋鬥慢大賽」，話要慢動作食魚蛋，抗議劉小麗慢慢讀誓辭。
發起人傅振中仲拎住個咪，叫其他參與者要用12分24秒(劉小麗宣誓所用時間)慢慢食魚蛋，叫佢哋要「含住粒魚蛋」，搞到隔離幾個女成員都笑咗出聲。
更多港聞
相關新聞
