聽直銷電話跌親 私隱專員傷右手
[2017.01.25] 發表
【明報專訊】個人資料私隱專員公署噚日舉行周年記者會，講講去年收到投訴嘅情况，包括直接促銷投訴有顯著上升。記者會期間，Emily見到專員黃繼兒隻右手帶住手帶，原來係早排因為聽到一個直銷電話，「差錯腳」跌親整傷隻手。
黃繼兒講起，一個星期前午飯時段接到直銷電話，佢接聽之後就特登聽下對方講嘅內容，結果無為意地面有一級樓梯而跌低，仲搞到右肩筋絡斷裂，康復期間要戴約束帶6個星期，佢講起話6個月之內都唔可以打高爾夫球。
籲傾多陣收集證據投訴
專員講起，發現最近呢類直銷電話不時都會係食飯時間或者放假出現，至於令到佢受傷的電話又係來自乜嘢公司呢？專員就話好可惜當時重未聽到就已經跌親，佢呼籲市民第日收到呢類直銷電話，不妨傾一陣收集多啲證據去投訴。
更多港聞
【明報專訊】香港眾志黃之鋒繼登上時代雜誌封面之後，今次仲進軍「國際影視圈」。原來佢早前接受導演Joe Piscatella邀請，拍咗一套名為...
詳情
相關新聞
