【明報專訊】送猴迎雞，旅發局一如往年，於後日大年初一晚上8點至9點45分，喺尖沙嘴文化中心舉行新春花車巡遊匯演。今年主題係「開年開運開心」，共有10架花車、26支本地及國際隊伍，同埋有歷年最多嘅3000人一齊跳舞表演賀新禧。 Emily噚日趁住花車傳媒預覽先睹為快。今年花車巡遊由「國泰港龍航空」打頭陣，由於港龍舊年易名為「國泰港龍」，今年花車將同時以國泰嘅綠色，以及港龍嘅紅色作為主色調，並會有空姐空少跳舞助興。 至於今年開業40周年嘅海洋公園就以「生日派對」為主題設計花車，當中Q版威威獅令將聯同成班朋友向市民送上祝福，花車更化身「流動影像館」，展示公園以往珍貴片段。而旅發局嘅花車除咗有唔少LEGO(樂高)人偶進駐之外，車上亦有一隻由22萬塊LEGO積木砌成嘅樂高雞，以及大大隻Q版雞同大家賀歲。 馬會亦繼續參與花車匯演，當中拎到2015/16年度「告東尼獎」同「最受歡迎騎師」獎項嘅馬會見習騎師蔣嘉琦，亦會參加匯演。嘉琦BB噚日同大家拜個早年，恭祝大家雞年「Fit到漏油」！
|
| |
| |
;){kind=small}
;){kind=small}
;)
