【明報專訊】唔知大家仲記唔記得特首梁振英(CY)提過一個「5歲小朋友」同佢講房屋問題？噚日CY出席任內最後一次立法會答問大會，呢個小朋友「再度出現」，不過今次係衛生服務界議員李國麟撞到。李國麟喺發言時話喺端午節撞到呢個小朋友，今次唔係討論房屋問題，而係關注精神失常病人。 「護士長」希望加人手 李國麟講到，嗰個「5歲小朋友」升咗小二，而佢個朋友被擔任精神科護士長嘅鄰居評定為有精神失常徵狀，例如「每日翻查人哋個facebook」、「答問題又九唔搭八」、「無端端對住人笑眯眯」、「夾埋人哋打龍通」、「干擾人哋調查，咩咩L事件」。 李國麟話，雖然嗰個護士長都好想幫呢個朋友，但𠵱家一個人要照顧60至80個精神復康者，新症要排期一至兩年，所以就想託佢同CY問吓，可唔可以離任前增加多啲護士，將照顧比例調整至20至30人。 答問會後，Emily關心吓李國麟所講嘅「精神失常病人」係邊個，但佢只係拋低一句「大家自己估吓」。
|
| |
| |
;)
