特首辦李惠創科局張曼莉立會派卡片
[2017.10.07] 發表
【明報專訊】立法會新一年度會期噚日開鑼，上任幾日嘅特首辦特別助理李惠，同埋創新及科技局政治助理張曼莉都分別去咗立法會，同議員及記者打招呼。李惠同張曼莉都話，仲適應緊新嘅工作崗位。
李惠喺星期二(3號)上任特首辦特別助理，佢之前喺TVB任職記者，主要負責政治新聞。李惠噚日去到立法會，唔少記者都圍住佢傾偈，被問到角色轉換有咩感覺，佢笑笑口話仲適應緊新工作，話自己去立法會都係同議員打招呼，順便通知議員佢轉咗工。
張曼莉噚日就同經驗豐富嘅保安局政治助理劉富生行孖咇落立法會，劉富生話有畀「秘笈」張曼莉，就係教佢立法會大樓嘅逃生路線。張曼莉就話，趁立法會復會就去認識吓記者朋友，未來應該間唔中都去立法會。
更多港聞
【明報專訊】政府繼續推銷高鐵效益及一地兩檢方案。港鐵今日及明日喺石崗列車停放處舉行高鐵列車開放日，並會開放列車車廂畀公眾參觀。一地兩檢關注組...
詳情
相關新聞
