工作太忙疏忽男友遭投訴 薛家燕盼豬年人財兩得
【明報專訊】薛家燕去年家庭、事業都是豐收一年！兒子石耀庭結婚，圓了她的心願；她開了入行60周年演唱會、《流行經典50年》節目長做長有，還有生意方面亦有好成績。至於感情則有拍拖10多年的男友A君，不過一直忙於工作的家燕姐承認，忽略男友被投訴，豬年要抽時間相伴。
記者：葉靜文
攝影：黃梓烜
家燕姐最近拍賀年節目《新春開運王》，與3名堪輿學家李居明、麥玲玲和李丞責合作，都有贈她幾句。家燕姐說：「我屬虎，在豬年人緣比較旺，亦會有好多郁動，好適合我，我鍾意周圍去，今年做巡迴演出。」有冇問姻緣？她哈哈笑說：「我冇問呀！但有問桃花，因為桃花對藝人來說是人緣、觀眾緣，師傅話我今年都繼續旺。我好感恩，入行60年，觀眾睇咗我咁耐都仍然喜歡我，大人、小朋友的粉絲都有，最近有位加拿大91歲影迷，專登來睇我，要我嘅簽名，嘩，真係好難得呀！他們話睇到我嘅演出好開心，所以我更加要做多些好節目，去答謝他們。之前晚晚重播《皆大歡喜》，有朋友傳視頻畀我睇，話去飲宴上乳豬時，正是播《皆大歡喜》嘅音樂，好似一有喜慶事就有家燕姐份，是開心事。」
去年大豐收
去年家燕姐經歷好多人生大事，她說：「係呀！首先娶新抱做奶奶，是我的心願。之後開演唱會慶祝入行60周年，又分別獲無綫及新城電台頒發『萬千光輝演藝人大獎』同『勁爆演藝繽紛60大獎』，還有『終身成就長者義工榮譽大獎』，好有意義。」家燕姐熱愛工作，忙個不停。豬年會否減少工作量，享受人生？「我個女都同我講：『媽咪，你唔使做咁多嘢㗎！』其實我好享受每個工作，鍾意唱歌、跳舞、講嘢，樣樣嘢都啱我，在工作上搵到喜悅的成就感，何樂而不為呢？觀眾又鍾意睇。當然我會適可而止，會留意工作量，不會太過辛苦。」
感激男友關懷
問男友有否投訴她工作太忙？她承認：「有呀！有投訴，都要同他傾吓偈！他話我去年忙到飛起，好似冇咗他的存在！其實唔係嘅！我會搵啲時間跟他多啲相處了解下！亦都多謝他對我嘅關懷同愛意。」
談到豬年願望，家燕姐說：「我個仔結咗婚，但我仲有兩個女，希望她們快啲搵到自己鍾意的人，快些蜜運成功，了卻我嘅心願！我自己就希望做多些好節目，巡迴演唱會成功。還有我的家燕媽媽藝術中心、曲奇餅及朱古力生意都愈做愈好。」
場地：Tonkichi、世貿中心
■更多娛樂猛料 ﹕ol.mingpao.com
趙雅芝請《倚天》拍檔食飯 汪明荃黃淑儀楊盼盼齊出席
【明報專訊】汪明荃（阿姐）與趙雅芝昨日分別在社交網上載於年初七（人日）飯敘的照片，相中還有黃淑儀、楊盼盼、汪明荃老公羅家英、趙雅芝老公黃錦燊... 詳情
