梁美芬：改善海濱不改水質如靚女有臭狐
[2019.03.01] 發表
【明報專訊】《財政預算案》計劃預留60億元發展海濱長廊及休憩空間、改善海濱設施，財政司長陳茂波噚日去立法會簡報期間，經民聯梁美芬就強調，海濱要配合海水冇臭味，「(否則)好似一個好靚女性、美人有臭狐，行去海濱就唔同感覺」。梁美芬又話，如果去過荃灣碼頭海濱，土瓜灣、紅磡海濱，就唔會同意有報道指唔需要就水質增撥資源。財爺就話會將佢嘅觀察向相關局方反映。
姚思榮指翻新公廁太慢
預算案提到，有意未來5年用超過6億元，等食環署分階段翻新管理公廁，估計涉及約240個公廁。旅遊界議員姚思榮噚日質疑，如果等到5年先翻新到200幾個，係時間過長同太保守，會否可以3年內翻新200多公廁，然後進一步擴展至全港800個公廁。陳茂波就話會將意見同食物及衛生局跟進，睇吓可否加快執行。
更多港聞
特稿：升中自行分配 取錄擬3月通知 校長支持：免折磨家長多幾個月
【明報專訊】中一派位每年7月初放榜，同一時間公布「自行分配學位」與「統一派位」（俗稱大抽獎）結果。教育局建議修訂中一派位安排，中學可預早在3... 詳情
【明報專訊】教育局若改變中一派位安排，直資學校便首當其衝。小六生升中，除可在1月參加「自行分配學位」，直接向兩間中學交申請表，亦可同時申請直...
詳情
相關新聞
