【Emily】煲呔：獄中邊洗廁所邊念主耶穌
[2020.03.23] 發表
【明報專訊】前特首曾蔭權最近接受天主教慈善機構「生命恩泉」訪問，大談獄中感受。佢話喺獄中睇宗教書、念經，向聖人學習，「我做到喺獄中洗廁所、做清潔時，每分每秒念：『主耶穌，憐憫我們』」。
睇宗教書念經 向聖人學習
曾蔭權喺堅尼地道嘅前任特首辦公室受訪，喺訪問影片中，見到佢嘅辦公室擺咗好多家庭照，亦掛咗一幅嚟自聖經福音嘅大字「非以役人 乃役於人」，意思係自己唔係要人侍奉，而係為他人服務。喺2005年，時任天主教香港教區主教陳日君送咗隻「善牧」浮雕戒指畀曾蔭權，希望佢可以「牧羊人精神」施政，當時任特首嘅曾蔭權就以上述8個字回應傳媒查詢。
話1990年代升職太快
養成每朝望彌撒減壓
曾蔭權喺「生命恩泉」訪問提及，自己喺1990年代升職太快，「自己都無法想像，一年內升兩級，好突然，唔知自己可否勝任」。因此，佢喺做庫務司時養成每朝望彌撒嘅習慣，將無法解決嘅問題交畀天主，心靈上有點釋放、可以減輕壓力。曾蔭權亦形容，自己在囚時，係好接近天主，話當時成日讀經、睇宗教書籍，令佢內心安寧。
曾蔭權2017年被裁定公職人員行為失當罪名成立，即時監禁，去年因原審技術錯誤獲終審法院裁定上訴得直，撤銷定罪同判刑。
更多港聞
【Emily】黃碧雲出帖講黨友中椒 再貼胡椒蟹慶生
【明報專訊】民主派最近正就立法會選舉協調，民主黨立法會議員黃碧雲回應傳媒查詢時，提到初選機制可能唔公平、唔民主，因為一開波就篩走人。呢番話畀... 詳情
【明報專訊】唔少屋邨都有聚賭問題，街工元朗區議員何惠彬前日喺facebook呻，話有街坊聚集玩啤牌、賭錢，仲嘈到人，但當中唔少都係投票畀佢嘅...
詳情
【明報專訊】疫情下，市民用唔同方法增強免疫力，香港中醫藥服務中心推出「草藥防疫香包」，內有蒼朮、白芷、檀香、甘松、艾葉、冰片等，仲加入薰衣草...
詳情
【明報專訊】行會成員、新民黨主席葉劉淑儀上周因私事急赴珠海，返港後要接受強制檢疫。雖然留喺屋企，但葉太生活一樣多姿多采。佢透露有祖籍湖南嘅朋...
詳情
相關新聞
