【Emily】港鐵油麻地站育嬰室 區議員讚設計好
[2020.06.26] 發表
【明報專訊】近年唔少媽媽都選擇餵哺母乳，但喺街上要搵地方泵奶都有困難。油尖旺區議員胡穗珊(Suzanne)日前出post，透露油麻地站將會新設公眾洗手間同育嬰室。佢話，唔少媽媽出街都要拎地圖，唔係睇點搭車，而係睇吓邊度有育嬰室可以泵奶，認為港鐵有增設育嬰室，對返工嘅媽媽就方便好多啦。
Suzanne憶述，港鐵之前係喺控制室設哺乳室，效果較差；今次佢就話育嬰室設計要讚吓，因為媽媽泵奶一般都要20分鐘，而港鐵育嬰室內，泵奶區同換片區係分開嘅，等為BB換片嘅媽媽就唔使輪候太耐。
睇番港鐵網站，設有育嬰室嘅港鐵站包括油塘、調景嶺、荔景、中環、顯徑、啟德同鑽石山站，另外多個轉線車站都設哺乳間，但媽媽就要聯絡車站職員，由職員為有需要乘客安排房間。
更多港聞
【Emily】farewell常秘謝曼怡 唔見陳肇始
【明報專訊】食物及衛生局長陳肇始早前話疫情相對穩定，顧及經濟同市民需要，將限聚令人數放寬至50，食肆、婚宴等人數不受限。Emily前晚喺皇仁... 詳情
【明報專訊】九巴噚日宣布推出「九巴過海路線大抽獎」，得獎者可獲贈價值1030蚊嘅「九巴月票」連八達通卡，每日可任搭10程九巴。
抽獎活...
詳情
相關新聞
