【Emily】鄧炳強客串撐警歌MV 獲讚演技進步
[2020.10.30] 發表
【明報專訊】警方噚日推出新片，宣傳藝人鍾鎮濤(阿B)嘅撐警歌曲《捍衛香港》，警務處長鄧炳強更粉墨登場。短片講述一名警員喺電梯偶遇一哥，一哥問對方聽緊咩歌，點解只係得10秒長，警員回應話足本版噚晚先喺電視台首播。一哥大讚歌詞有意義，最後仲唱咗幾句《捍衛香港》。一哥讀大學時曾客串高志森首次執導嘅電影《開心鬼》，與同學一齊拍戲掙錢；高志森噚日睇完條片就喺facebook稱讚一哥演技比當年進步。
另外，由香港電台同警察公共關係科(PPRB)聯合製作嘅節目《警訊》，喺8月結束長達47年嘅製作，新節目《警聲直播》噚晚喺警隊facebook專頁同YouTube頻道首播，其中一名主持係10月獲頒銅英勇勳章嘅高級督察黃家倫。
更多港聞
【Emily】趕認購熱潮 容海恩陳振英抽「螞蟻」
【明報專訊】新股螞蟻集團（新上市編號︰06688）喺香港集資，全城瘋狂認購，連議員都唔執輸，新民黨容海恩（Eunice）前日趁熱潮，請金融服... 詳情
【Emily】中大盧煜明、江培勇 膺全球「20頂尖轉化研究科學家」
【明報專訊】中大醫學院副院長（研究）及化學病理學系系主任盧煜明，同化學病理學系助理教授江培勇，獲權威科學期刊《自然生物科技》選為「2019年... 詳情
【明報專訊】近日新型冠狀病毒疫情稍為緩和，有傳教育局約見教育界討論恢復全日上課。教育局昨回覆本報查詢稱，學校仍會繼續維持半天上課安排，現階段...
詳情
相關新聞
