【Emily】林鄭答問會 張華峰又WhatsApp講食
[2021.02.05] 發表
【明報專訊】特首林鄭月娥噚日到立法會出席答問會，會議開咗超過一個半鐘頭，其間唔少議員都撳手機睇其他嘢。經民聯張華峰就喺WhatsApp同人傾緊晚飯，有人喺群組裏面用英文留言，話剛剛買好餸，返緊屋企準備煮飯，個群組都有至少3個人，唔知最終個飯局又有幾多人出席呢？其實張華峰已經唔係第一次畀記者影到講食嘢，去年林太宣讀《施政報告》期間，佢都被拍到買咗9600蚊嘅大閘蟹。
Emily日前講過，工聯會鄧家彪邀請勞工及福利局長羅致光公開辯論「設立失業援助金」，佢黨友陸頌雄噚日喺答問大會上幫手跟進，直接同林太提出建議，話辯論唔係口舌之爭，希望透過辯論搵到救失業嘅方法，叫林太幫忙促成呢件事。林太回應話：「我相信羅局長唔會抗拒吧？辯論咋嘛，希望大家愈辯愈明啦」，仲話疫情下可能要用視像辯論，詳情交由雙方安排；台下嘅羅致光冇乜特別反應，不過其他議員聽到都笑咗。
陸頌雄話好高興聽到林太咁講，將於會後邀約局長。上司出到聲，唔知羅局長會唔會接下英雄帖呢？
更多港聞
【Emily】明起增設逾30個「寵物共享公園」
【明報專訊】唔少寵物主人都希望毛孩可以出街唞吓氣，康文署噚日宣布，聽日（周六）起多區會增設逾30個「寵物共享公園」，開放畀市民攜同寵物入內。... 詳情
【Emily】學者引大數據：貓咪幾時絕育？建議4個月大
【明報專訊】貓咪繁殖率高，一年可以生3次，每胎最多有6隻貓B，如果唔及時幫佢哋絕育，可能會令棄養情况惡化，導致流浪貓數量愈來愈多。城市大學臨... 詳情
【明報專訊】受疫情影響，東華三院噚日宣布，今年6所廟宇，包括上環列聖宮、山東街水月宮、慈雲山觀音佛堂、油麻地天后廟、油麻地社壇、油麻地福德祠...
詳情
教協教聯斥校本檢測卸責 教局：非復課條件 不希望校長感壓力
【明報專訊】教育局前日宣布倘全校教職員肯於復課前14天完成新冠病毒檢測，全校學生可於農曆新年假期後上半天面授課，引起學界反響。教育局長楊潤雄... 詳情
「新通識科」2/3內容講國家 楊潤雄：不等於是國教
【明報專訊】高中通識科將重整為新科，當局建議課程逾半「學習重點」與國家或中華文化有關，有指如同國教科。教育局長楊潤雄昨稱，新科目標之一是培養... 詳情相關新聞
