【Emily】石牆花急徵40g M&M's朱古力 轉新包裝停售 懲教未改認可清單
[2021.03.24] 發表
【明報專訊】對於送畀在囚者嘅物資，懲教署規定一向好嚴格，包括規定M&M's要係40g包裝。近月M&M's廠商停售40g包裝，改為推出37g包裝，但懲教署遲遲未更新認可物品清單，唔少協助在囚者嘅人都大嘆苦惱。致力倡議囚權嘅社企「石牆花」噚日話，每月要處理近百「手足」嘅物資，對40g包裝M&M's需求非常龐大，呼籲市民如果見到合資格嘅M&M's，可以喺辦公時間捐去石牆花，但現階段就唔需要其他物資。
帖文一出，即刻有唔少人分享、又互通消息講邊度有貨。公民記者蕭雲就話，已經就此問懲教署，「但答案竟然係叫我地去士多搵」，唔少區議員都呼籲，如果有合資格包裝嘅M&M's，可以交去議辦，再由佢哋轉交石牆花。據Emily所知，各方都非常踴躍幫手搵，邵家臻形容係「糖心風暴」呀。
47名民主派因組織、參與初選被控「顛覆國家政權」，當中唔少人係區議員，包括觀塘區議員李嘉達。
李嘉達適應還押中 入結他等批
觀塘區議會主席蔡澤鴻早前去探李嘉達，佢同Emily講，李嘉達𠵱家都係努力適應中，但就冇瘦到，主要係諗辦事處點處理。李嘉達以前玩樂隊、做主音，唱歌幾好聽，蔡澤鴻話佢都有要求入結他，𠵱家等緊當局批准。
更多港聞
【Emily】海報設計賽得獎作 小學生畫紅旗：守法從我做起
【明報專訊】教育局去年底將「守法」同「同理心」列為首要培養學生嘅價值觀同態度，仲舉辦海報設計比賽。教育局長楊潤雄噚日喺facebook話，共... 詳情
【Emily】怪樹塞糞渠 市建局幫居民重光廁所
【明報專訊】市建局正重建西營盤皇后大道西一帶，重建範圍內1960年代興建嘅永祥大廈，前年渠管淤塞，令住戶苦不堪言。72歲嘅梁威石同細佬、阿媽... 詳情
【明報專訊】政府正修例，要求區議員宣誓先可以繼續做議員，連日來部分民主派議員已公開話願意宣誓。公民黨油尖旺區議員余德寶噚日亦表明，「我會宣誓...
詳情
相關新聞
