【Emily】「賞你遊」再推 包括睇口岸去商場
[2021.06.16] 發表
【明報專訊】新冠病毒疫情下無得去旅行，旅發局趁疫情穩定再推「賞你遊香港」，最新行程有嘢學、有星睇，仲有得去未通關嘅口岸，而有啲就比較特別，會帶團去尖沙嘴K11 MUSEA。
噚日係連續第8日無本地確診，旅發局公布第二輪「賞你遊香港」第二批共60個行程，Emily睇過，當中都有部分加入咗學習元素，例如有去錦田BULA Adventure Base觀星、參觀跑馬地印度廟以及學印度舞、參加造紙工作坊，同埋製作香草小盆栽等。不過，有部分旅行團行程同Emily平時行街差唔多，例如去K11 MUSEA同南豐紗廠。
雖然未通關，亦有部分旅行團會帶團友睇口岸，包括未正式開通畀旅客嘅香園圍口岸，同埋已經關閉一年幾嘅西九高鐵站。
市民由5月24號起，喺本地零售及餐飲商戶實體店消費滿800元，就可以儲起機印收據，換本地遊名額一個，今日起可向旅行社報名。團友登上交通工具同進入到訪場所時要掃描「安心出行」。
雖然香港疫情緩和，但全世界多地疫情仍嚴重，本港仍維持入境防疫，影響旅遊市道。旅發局公布5月訪港旅客初步數字，全月有5305人訪港，按年跌34.8%，其中非內地旅客跌44%。
更多港聞
劉兆佳主講公民科教師培訓：港政制非三權分立 述殖民地應加引號
【明報專訊】國情內容佔多的公民與社會發展科（下稱公民科），9月起逐步取代通識科。教育局陸續舉行教師培訓新課程，昨日場次由全國港澳研究會副會長... 詳情
相關新聞
