【Emily】水上的士 建制泛民都唔多like
[2021.07.03] 發表
【明報專訊】Emily噚日提過「水上的士」早前開出嘉賓航班畀市民試搭，不過無論建制、泛民似乎都唔太滿意。有份試搭嘅觀塘區議員顏汶羽出post話坐完覺得非常失望，認為旅客未能從中感受香港獨特一面，「或許天星小輪比水上的士更有香港特色」。
顏汶羽質疑水上的士無任何裝飾展現香港特色，「只是小型版的往返中山、珠海般的船而已」，批評沿途無播放任何介紹維港嘅資訊、又無Wi-Fi，服務完全反映唔到船費點解收咁貴。佢憶述早前海濱事務委員會考察澳洲悉尼，當地水上的士每船可坐10人左右，既可以預約、碼頭致電召喚，亦可以喺任何碼頭上落客。
民主黨前區議員柴文瀚就形容船上招牌嘅設計係「上代港式美學」，話本身架船外觀OK，但質疑上一代設計師「總係要將招牌每個字唔同色」、「七彩到完全唔搶眼」。
更多港聞
相關新聞
