【Emily】田二少長氣訴心聲 遭大主席打斷
[2021.07.16] 發表
【明報專訊】特首林鄭月娥噚日到立法會出席答問會，議員提問時亦藉機表達意見，不過實政圓桌田北辰(田二少)可能長氣咗少少，一連提出兩點都未問到問題，仲話自己只係「表達心聲」，最終被立法會主席梁君彥提醒，「𠵱家係行政長官答問時間，請你發問，好嗎？」
本年度通過法案多
林太：過去20年來最有成效
田二少先提起官員款待問題，再講到「劏房」租管，梁君彥起初以為佢提問緊，叫對方只問一條，畀林太答咗先；田二少先話明白，但轉頭就話，「唔係，唔係，我唔係問問題。呢兩個都唔係問題，我係表達我嘅心聲……我個問題嚟緊」 ，叫大主席畀個機會佢。其他議員聽到都忍唔住笑出聲。
林太噚日開場發言時話，過去3個月立法工作取得令人欣慰嘅成效，各政策局未來幾星期將提交5條草案，如果可以喺休會前通過，本屆立法會喺2020/21立法年度通過嘅法案合共有45條，將會係過去20年以來立法工作最繁忙、最有成效嘅一年。
更多港聞
【明報專訊】嶺南大學昨（15日）向師生發電郵，表示停止代收學生會費，是第5間宣布類似措施的大學。校方解釋，近年收到學生、家長及市民對校外會費...
詳情
【明報專訊】香港青年協會調查569名應屆中學文憑試（DSE）考生，問道他們「過去一年的感受」（可選多項），63%形容自己「無奈，很多事都是無...
詳情
理大邀中學生探索太空 薦勝出實驗方案天宮上實踐
【明報專訊】3名中國太空人正於「天宮」太空站執行任務。理工大學將舉辦中學生航天科普計劃，學生可參與航天相關專題講座、參觀理大實驗室，之後設計... 詳情相關新聞
