【Emily】辭職區議員變賣防疫「蟹貨」
[2021.08.02] 發表
【明報專訊】政府仍未公布區議員宣誓詳情，早前已有逾200個區議員自行辭職，各辭職者亦陸續清空、交還辦事處。早前已辭職嘅大埔區鎮樺，日前就喺facebook話要「清貨大減價」，原來喺去年疫情最嚴重時，佢嘅辦事處墊支購入大量搓手液同口罩，原價賣街坊，但疫情緩和後當時購入嘅防疫用品就變咗「蟹貨」，所以今日起會喺區內以低於當日購入價向街坊賣相關物品，話「只望能換取番資金，以支付還原辦事處開支及部分已簽約服務之毁約服務金」。
而已辭職嘅沙田趙柱幫前日就上載辦事處物資相片，將物品轉贈街坊，話全部免費任取，隨緣樂助，捐助將用於清還辦事處經費同未來嘅地區工作。相中所見物品包括手推車、白板、電腦顯示屏等。佢噚日亦完成處理要轉贈嘅物資。
更多港聞
相關新聞
