【Emily】大帽山錄16.8℃ 破8月低溫紀錄
[2021.08.28] 發表
【明報專訊】今個星期一(23日)係廿四節氣嘅處暑，意思係夏天已過，天氣開始轉涼，話口未完，處暑過左幾日就出現涼浸浸天氣，噚日各區氣溫顯著下降，當中大帽山更錄得最低16.8℃，係有紀錄以來8月份嘅最低氣溫。
其實噚日各區氣溫都顯著下降，較前日最高溫相差約10℃，當中尖沙嘴天文台總部錄得最低23.4℃，較前日最高溫相差9.3℃；新界同港島南區較空曠嘅地區例如元朗公園、北潭涌、赤柱等，與前日最高溫比較更相差10℃以上。
天文台解釋，受「高空擾動」影響，廣東沿岸都有厚實雲團發展，相關嘅驟雨及雷暴令到香港大部分地區錄得10毫米或以上雨量，各區氣溫介乎22℃至25℃，加上落住雨，感覺涼咗唔少。天文台預料高空擾動喺未來一兩日仍會為本港帶來驟雨及雷暴，今日最低氣溫24℃，不過隨後幾日溫度會逐漸回升。
更多港聞
相關新聞
