【Emily】田二少第3針 國藥溝科興 話自己身先士卒
[2021.09.18] 發表
【明報專訊】政界中人陸續參與養和東區醫療中心打第三針新冠疫苗嘅臨牀研究，繼本身打科興嘅行會成員葉劉淑儀「溝針」打復必泰後，實政圓桌立法會議員田北辰噚日都去咗溝針。田二少係人大代表，之前上京開兩會時打咗國藥疫苗，但佢身體幾乎已經無晒抗體，而今次補第三針就揀咗科興。佢話國藥同科興同屬滅活技術，覺得咁樣溝針風險相對低啲。
田二少話打第三針並唔係因為驚染疫，亦唔係打算外遊，而參與臨牀研究係因為佢之前一直向政府提出畀打科興嘅市民補打第三針，今次自己係身先士卒，如果打咗之後安然無恙，體內抗體又上升，咁就有更大說服力喇。
更多港聞
相關新聞
