【Emily】買米探劏房戶 田北辰促租管訂起始金
[2021.10.02] 發表
【明報專訊】實政圓桌立法會議員田北辰噚日同黨友莊豪鋒、社區組織協會施麗珊一齊去荃灣探訪8個劏房戶，雖然街坊同佢講唔使帶禮物，但田二少話想盡小小心意，用咗新一期2000蚊電子消費券再加1000蚊，買咗8包10公斤米送禮，同埋買咗書券送畀小朋友，畀佢哋買鍾意嘅書同文具。
71歲嘅田二少仍然好壯健，噚日幫手托米行樓梯。佢話「食米要知米貴，住屋要知租貴」，同啲劏房戶傾偈了解佢哋嘅花費，有住戶用一半人工(3500元)交租，剩番一半就3個人使，話如果平500蚊租已經幫到唔少。田二少話好多租戶平時一日三餐都係自己煮，所以送米夠實際，而更實際係政策點樣幫到佢哋。佢話好多劏房戶𠵱家都未諗到推出租管後可能有業主加租，強調推租務管制一定要配合起始租金，否則形同虛設。
更多港聞
【明報專訊】唔少喺獄中嘅民主派係足球迷，喺監倉就無波睇。民主黨莊榮輝話噚日同前主席劉慧卿去咗赤柱探黨友楊森，仲將基斯坦奴朗拿度（C朗）香港時...
詳情
相關新聞
