【Emily】青年聯會去中學推廣新興運動
[2021.10.08] 發表
【明報專訊】近年有多項新興運動，公眾未必認識，香港青年聯會體育及文化委員會噚日就去咗一間中學，舉行「新興運動學校巡演暨啟動禮」，希望令新興運動普及，甚至令全民參與，培訓更多體育專才。青年聯會主席梁毓偉話新興運動仍處於發展初期，希望透過推廣，令青年體驗並帶動社區體育風氣。
相片所見，佢哋噚日去學校介紹嘅係木棋運動(M?lkky)，呢項運動源自芬蘭，根據新興運動協會嘅網站介紹，參加者以大木棋擲向標有1至12數目字嘅小木棋，擊倒一支就可得到該棋標記嘅分數，每次擲完會重新放好，首先拎到50分嘅就贏，連續擲唔中三次就失去比賽資格，而木棋輕便易攜帶，可以喺任何空曠軟地舉行，適合唔同年齡嘅人玩。
更多港聞
【明報專訊】每年中小學「自行分配學位」階段，傳統名校外不乏交表人龍。最新一份《施政報告》稱，2023年起將入學申請、派位全面電子化；另外處理...
詳情
拍片「孫權嫁妹」對比古今婚制 小學生「中史KOL賽」奪冠
【明報專訊】古今婚姻制度大不同，有小學透過簡單短片以三國時期對比現代婚姻制度，贏得「中史解碼KOL大募集」小學組冠軍。指導老師徐煒森表示，鼓... 詳情
相關新聞
