【Emily】明年88周年 廠商會：可搵英超球隊嚟對壘
[2021.10.27] 發表
【明報專訊】香港中華廠商會聯合會嚟緊活動多籮籮，會長史立德話本周六(30號)起至11月7日，會喺葵涌運動場舉行「香港美食嘉年華」，12月11日至明年1月3日就喺維園復辦工展會，明年廠商會慶祝88周年，「發」係好意頭，加上係香港回歸25周年，所以明年會大搞慶祝，包括籌備工商界嘅足球邀請賽，佢話可以諗下搵隊英超球隊嚟香港對壘。
史立德同廠商會部分會董噚日同傳媒聚會，佢話88周年會慶活動起碼有10個，包括製作電視特輯，細說「廠佬」辛酸故事，又話廠商會入面有好多馬主，所以計劃7月1日贊助「7．1回歸」賽馬賽事。
商界早前以抽獎鼓勵市民注射新冠疫苗，廠商會噚日就頒發第二輪獎品，喺政府任職嘅曾女士抽中100萬元信用卡簽帳額大獎，佢接過獎品時話一向有捐錢習慣，今次都計劃拎部分獎金作慈善用途，亦會利用簽帳額消費，支持本港業界。
更多港聞
86%教師：推國安教育有困難 逾半稱欠教學資源 三成人「很有信心」
【明報專訊】隨《港區國安法》實施，教育局今年5月為中小學訂立國安教育課程框架。教聯會調查發現，逾八成半教師反映學校推展國安教育有困難，當中超... 詳情
港大首推法學理學雙學位 望培育了解創科法律專才
【明報專訊】港大下學年推7個新課程，包括理學士及法學士（雙學位課程）（聯招編號JS6858），是本港首個培育科學與法律專才的課程。據校方介紹... 詳情
【明報專訊】港大學生會評議會風波後，港大7月宣布不再承認學生會校內角色及接管會址。校方前日（25日）向屬會發電郵稱，經Co-Curricul...
詳情
相關新聞
