【Emily】Ann姐退火線 話有嘢幫可繼續搵佢
[2021.10.30] 發表
【明報專訊】立法會選舉今日開始報名，民建聯4名議員退下火線，包括黃定光(象哥)、蔣麗芸(Ann姐)、梁志祥(祥哥)和柯創盛(柯仔)。Ann姐前兩日被問選唔選時仲大賣關子，噚日就喺facebook留言，話舊年已下定決心畀年輕一代接棒。佢話「服務市民 初心不變」，大家可以通過任何一個民建聯議員或民建聯地區辦事處聯絡佢，又話佢能做到嘅，定必義不容辭。
柯創盛：過去一年大會100%出席
柯仔就話自己過去5年一直盡心盡力盡責做好議員工作，喺過去一年立法會大會同埋內務委員會嘅出席率都係100%，「向一直期望我繼續成為立法會議員的支持者和朋友們致歉」。佢目前係觀塘區議會主席，話今後仍會喺唔同崗位「貼地」工作為民，「不忘初心」。
至於祥哥，卸任在即，噚日都有繼續做地區工作，帶住行會召集人陳智思去咗元朗大生圍同養魚戶、村代表交流，聽居民對新界北發展嘅擔憂同關注。佢哋仲去埋新田永平村同埋著名嘅大夫第參觀，行程豐富。
更多港聞
相關新聞
