【Emily】傳余德寶參選 前同事翻舊帳
[2021.11.01] 發表
【明報專訊】立法會選舉正值提名期，油尖旺區議會前副主席、公民黨前黨員余德寶(圖)被傳有意參選，佢噚日回覆Emily查詢時表示「冇回應」。雖然傳聞未獲證實，但佢未話參選，都已經喺佢哋圈子引起話題，德寶嘅前同事、油尖旺前區議員李傲然(Owan)喺facebook發文，不點名評論話余德寶「應該好大機會」出戰九龍西地區直選，「你咁冇品出嚟出選立法會選舉，有冇思考過你根本唔會係愛國者一份(分)子」。
Owan又不點名話，以前曾一齊開記者會，事前夾定一人講一啲，「但係一見到記者你都搶晒我啲嘢來講，仲要講完之後即刻轉個頭過嚟問我有冇補充」，話有人「出嚟行走江湖都唔講道義嘅」。另一油尖旺前區議員林兆彬亦留言，話如果參選傳聞屬實，「應該是有中間人勸佢吧？」，話咁就實入到閘，不過勝算難講。
丘文俊貼「光時」圖 籲杯葛立選
立法會選舉提名期首日，有非建制派攞到提名參選，沙田前區議員丘文俊就發帖批評參選者，噚日仲上載「光時」圖片，公開呼籲杯葛2021立法會選舉。丘文俊話，「當，龍蝦都可以貫以危害國家安全，政權之荒謬及卑鄙，無日無之」，認為應以不參選、不投票抵抗。不過，廉署早已提到，如選舉期間故意妨礙或阻止他人投票或公開煽惑他人不投票或投白票，都屬違法行為。
更多港聞
【Emily】萬聖酒吧生意佳 政界繼續trick or treat
【明報專訊】噚日萬聖夜，周圍攞糖派糖係傳統之一。公民黨秘書長梁嘉善（Jessica）披上橙色斗篷，頭戴一頂小尖帽，噚日去到黨內開設嘅「Sta... 詳情
【明報專訊】海關關長何珮珊上任首日提到，打擊走私澳洲龍蝦係維護國家安全好重要嘅工作，引起香港同國際關注。何珮珊接受無綫新聞專訪再解畫，話坊間...
詳情
【明報專訊】樂齡科技可以協助長者居家安老、改善生活質素，社會服務聯會今年連續第五年同政府合辦樂齡科技博覽，社聯行政總裁蔡海偉話，今年有百幾間...
詳情
中大學生報：向校註冊下下策 憂自主意識磨滅 盼學生平台處理註冊
【明報專訊】中大學生會解散觸發校內學生組織註冊問題，校方要求相關組織月底表明註冊意願，不註冊或影響日後所獲資源。《中大學生報》總編輯張同學接... 詳情相關新聞
