【Emily】結婚紀念日 阿峯嘆婚禮來賓繫獄散各地
[2021.11.29] 發表
【明報專訊】已離港嘅民主黨立法會前議員許智峯，噚日喺社交媒體上載婚禮舊相片，原來噚日係佢結婚紀念日，但佢話一睇相中人，為佢證婚嘅民主黨何俊仁，現已身陷獄中。阿峯慨嘆，由證婚律師到出席婚禮嘅黨友、社運朋友，當中唔係在囚就係四散各地，形容心情實在難以形容。佢話自己仍感恩，有家人在身邊，「我仍珍惜，有借來的自由；我仍堅持，要為香港繼續走下去」。
劉慧卿探訪 話志偉減咗廿幾磅
另一還押黨友林卓廷，其facebook Admin就喺阿峯帖文留言，祝願阿峯一家安好，而阿峯亦回應希望阿廷平安，大家互相圍爐問候。
民主派唔少人因為「35+初選案」還押，民主黨劉慧卿就話，噚日朝早去咗荔枝角收押所探望民主黨前主席胡志偉，話志偉仍然健康、開朗，仲喺獄中減咗20幾磅。
更多港聞
【Emily】嶺大榮譽博士授陳德霖、張艾嘉、鍾南山
【明報專訊】嶺南大學宣布，將頒授榮譽博士學位畀4個傑出人士，表彰佢哋喺各自專業領域嘅卓越成就同造福社會嘅重要貢獻，包括金管局前總裁陳德霖（左... 詳情
相關新聞
