【Emily】陳茂波：香港好玩過星洲好多 話起碼有真山 補飛稱「講笑」
[2023.02.24] 發表
【明報專訊】財政司長陳茂波公布預算案後，噚日上電台同立法會回應提問，屢爆金句。喺電台節目被問到新加坡有現金支援中小企同旅遊業時，財爺滿有自信，話兩地旅遊唔可以同日而語，「我哋呢度(香港)好玩好多，同埋香港起碼我哋有真嘅山，又可以經香港去內地玩」，之後又話只係講笑。
佢話做生意應該盡量跟番市場做法去投資，喺特殊情况，政府可用錢去幫一幫係可以理解，例如喺疫情初期出現「休克式衝擊」，商戶關門，所以用公帑直接援助，但到咗𠵱家復常，生意返番嚟，明白經營者有周轉困難，咁佢哋可以去借貸，政府就提供百分百貸款擔保，唔係直接畀錢。
狄志遠揚言不撐財案 陳：唔受脅迫
陳茂波其後出席立法會財委會會議，新思維社福界議員狄志遠批評政府削減社福界1%經常開支，話若果當局無法協助社福界解決資源問題，繼續削減經常開支，「好難支持呢個財政預算案」。陳茂波唔客氣咁回應：「我作為特區官員係唔受脅迫嘅，唔可以用投票支持或反對去逼我做一樣唔合適、唔應該做嘅事。」
至於預算案提出子女免稅額由12萬元增加至13萬元，作為兩女之母嘅新民黨容海恩話歡迎，但講笑話本來考慮「生唔生第三個」，但免稅額只加得1萬蚊，誘因不足。佢又要求政府為外傭僱主提供扣稅優惠。陳茂波就話，佢都係「過來人」，但推外傭扣稅要考慮好細節，例如請本地傭工、鐘點，又點處理呢？
更多港聞
【Emily】鄭雁雄陳國基捧國家男籃場 同姚明合照
【明報專訊】中國男籃到訪香港，噚日首次以香港做主場，同哈薩克斯坦喺FIBA男子籃球世界盃亞太區預選賽對戰，中聯辦主任鄭雁雄（前排右二）、政務... 詳情
【Emily】「江夏圍村」過渡房入伙 可納2000戶
【明報專訊】由恒基地產同博愛醫院合作發展嘅過渡房屋元朗「江夏圍村」正式入伙，係目前全港最大規模嘅過渡房屋項目，提供1998個單位，最多可容納... 詳情
【明報專訊】中大校董會改組引起各界關注。中大校董會成立嘅「檢討大學校董會規模及成員組織專責小組」今個星期搞兩場諮詢會，了解持份者意見，今日（...
詳情
【明報專訊】天文台喺3月25日（周六）、26日（周日）會舉行一年一度嘅開放日，介紹天文台嘅工作，同時慶祝140周年。開放日以今年世界氣象日嘅...
詳情
【Emily】菁英會擬辦青年宿舍 目標惠300人
【明報專訊】今屆政府提出資助非政府機構租用酒店或旅館，轉為青年宿舍，菁英會亦計劃參與。菁英會主席凌俊傑話同多間酒店商討緊合作轉為青年宿舍，目... 詳情相關新聞
